De la Sensa le granseole fà partensa.
Mèjo el tacon del sbrego.
No ghe xe gnente de pì bon del colo del capon.
A Setenbre, braghe de tela e moloni no i xe pì boni.
A San Simon le lòdole a valon. (28/10)
Pì in alto se va e pì se mostra el culo.
A parlare se fa presto: pì difìzile xe el resto.
La piègora xe benedeta dal culo e maledeta dala boca.
Chi vol fare mosto zapa la tera de Agosto.
Lujo in tana, se piove la xe na mana.
Chi inpresta perde el mànego e anca la zesta.
Vale depì on gran de pévaro che on stronzo de musso.
A l'Imacolata se scumizia l'invernata.
El pèrdare xe parente del piànzare.
Chi prima no pensa dopo sospira.
Se piove a San Paolo e Piero, piove par on ano intièro. (29/6)
Vedendo uno te lo conossi mezo, co' 'l parla te lo conossi tuto.
San Paolo San Paolon, tote su la scala e va a bruscare el vegnon.
Bela in fassa, bruta in piaza.
Chi vole, vaga; chi no vole, manda.
On stizo solo no fà banpa.
Pitosto che'l palin, mejo el spazin.
Caval, putana e persegar trent'ani no i pol durar.
No se spua sol piato che se magna.
Galina vecia fà bon brodo.
A on belo senpre ghe manca, a on bruto senpre ghe vanza.
Oci e lengua xe le spie de tante malatie.
Senza stola no se confessa, senza schei no se canta messa.
Na faliva basta a brusare na casa.
Dove che va l'ago va anca el filo.
Aqua de Agosto, miele e mosto.
La sega misura el brazzo.
Quando che uno xe inbriago, tuti vol darghe da bévare.
I canpi no vien mai veci.
Pitosto che roba vanza, crepa panza.
