Finia la festa, finie le candele.
Dopo la crose na pèrtega par le nose.
Far ciaro ai orbi e predicare ai sordi el xe tenpo perso.
Chi vole 'ndare massa in suso, casca par tera e se ronpe el muso.
Chi dà ai pòvari inpresta a Dio.
A chi che no vole far fadighe, el teren ghe produse ortighe.
Chi vol èssare ben vardà vaga a messa scumizià.
Anca i cojuni magna el pan.
Va' in leto co le galine e lèvate quando che canta el galo.
Xe pì fadiga tasére che parlare.
Col pan se fà balare i can.
San Gregorion el pole portare on robalton. (3/9)
Le bele par dileto, le brute par dispeto.
Co' se ciapa on vizio se stenta a pèrdarlo.
Chi inpresta perde el mànego e anca la zesta.
Chi che se marida vecio sona de corno.
Dove che ghe xe tose inamorà, xe inutile tegnere le porte sarà.
A Santa Fiorenza xe oncora bona la somenza. (27/10)
Dopo l'amaro vien el dolze.
Da San Matio ogni fruto xe bonio.
Chi che siòla ga pensieri.
Fin che dura sto regno, scarpe de legno.
A tusi e mati no se comanda.
Le vache pissa, i manzi sbrissa e i bo' veci xe quei che tira.
Chi pì spende manco spende.
I curiusi se paga al sabo.
La morte del lovo xe la salute dele piègore.
Bisogna inpizare na candela al demonio e una a Sant'Antonio.
Fin dai Santi sòmena i canpi.
On palo in piè, na stropa domà e na fémena colgà i porta quanto peso che te voi.
L'ocio del paron ingrassa le bestie.
Chi tuto rancura de gnente ga bisogno.
De San Tomìo le zornade torna indrio.
Co' no ghe xe pì gànbari, xe bone anca le zate.
Chi che se marida vecio sona de corno.
Quando a Otobre scurisse e tòna, l'invernada sarà bona.
San Bogo, la torta al fogo.
Pifania, el pì gran fredo che ghe sia.
Co' l'osto xe sola porta no ghe xe nissuni drento.
