El morto in cassa, el vivo se la spassa.
I morti verze i oci ai vivi.
La boca la se liga solo ai sachi.
A l'Imacolata se scumizia l'invernata.
Luna nuova tri dì de piova.
Quando a Otobre scurisse e tòna, l'invernada sarà bona.
Merlo in te'l camin trema el contadin.
A Sant'Antonio dala barba bianca o piova o neve no la manca.
Scarpe grosse e marìo bruto, va tranquila dapartuto.
Via el dente, via el dolore.
Galina vecia fà bon brodo.
Chi somena spini no vaga descalzo.
El bon vin fà bon sangue.
Se te voi catare on fiore no sta témare el spin.
Bon marcà sbrega la borsa.
Se fà belo a San Gorgon la vendema va benon.
Stajon de erba, stajon de merda.
Mèjo na dona bela senza camisa che na bruta co sete camise.
Santa Eulalìa el fredo la porta via. (12/2)
La pezo roa del caro xe quela che ruza.
Se Dio no vole, gnanca i Santi pole.
El pòvaro omo no fa mai ben: se more la vaca ghe vanza el fen, se la vaca scanpa e l fen ghe manca.
Xe mèjo on "to" che zento "te darò".
Chi che nasse tacà a on fosso spuza senpre da freschin.
Ai du passa la nuvola del Perdon. (2/8)
Quando che'l pitoco mete le braghe sol leto ghe nasse on fiolo.
Majo suto, gran dapartuto.
Tien on ocio al pesse e 'nantro al gato.
El pare fà la roba, i fioi la vende.
Par l'Anunziata el rossignolo so la saca.
Dopo i Santi, fora el tabaro e anca i guanti.
La dona xe come la castagna: bela de fora, dentro la magagna.
Chi fà i fati sui no se sporca le man.
Ocio no vede e boca tase par chi che vol vìvare in pase.
Co' se ga scumizià no ghe xe pì retegno.
Chi sparte e no se ne tien, el Signore no ghe vole gnanca ben.
Co'l fromento tra a l'anguro, tàjelo che'l xe maduro.
No bisogna magnare i ovi prima de verghe cavà la sgussa.
A dire busie ghe vole bona memoria.
