Piova d'Istà, beati che che la ga.
De San Tomìo le zornade torna indrio.
Baso devoto no vole èssare visto.
Quando la ràcola canta, piova tanta.
Quelo che no sòfega ingrassa.
Fin che dura la menada dura la polenta.
De San Michele se calza le brute e anca le bele. (29/9/)
A San Clemente l'inverno mete el dente. (23/11)
No bisogna magnare i ovi prima de verghe cavà la sgussa.
Le bone azion xe come le vivande, che no le vale gnente co' le spuza da fumo.
Chi ga na bela scarpa ga na bela zavata.
Vin, done e maroni bisogna gòdarli so' la so stajon.
A Jenaro tuti i veci va a ponaro.
L'ovo del luni pagan l'è del diavolo.
Chi va a l'osto perde el posto.
De Otobre, on bel oveto xe p' dolze de on confeto.
No revoltare la merda, parché la spuza.
Se piove a San Gregorion, piove tuta la stajon. (3/9)
La frégola la vien dal toco.
De San Piero el formento e anca el pero.
A Santa Catarina el jazo so la pissina.
El caldo di nezuoi no fà bòjare la pignata.
Bieta e vin juta el segantin.
Agosto conpisse, Setenbre madurisse.
Boca sarà no ciapa moschini.
Le ciàcole no inpasta fritole.
No spèndare tuto quelo che se ga, no dire tuto quelo che se sa.
Se vento no tra, fredo no fà.
Done e afani scurza i ani.
Marcante e porco stimalo dopo morto.
Far ciaro ai orbi e predicare ai sordi el xe tenpo perso.
No ghe xe avere che conta depì del savere.
Ogni galo senza cresta xe on capon, ogni omo senza barba xe on cojon.
A Santa Madalena la nosa xe piena. (22/7)
Basta na fontana a far dano a on'ostaria.
O dal cao o dala coa l'inverno vol dire la soa.
Minestra rescaldà no xe mai bona.
A la vizilia de San Joani piove tuti i ani. (24/6)
