Chi che ga el mànego in man lo dòpara.
La parola liga l'omo, la corda el musso.
Morto on papa se ne fà 'nantro.
Luna in piè, marinaro sentà; luna sentà, marinaro in piè.
De San Michele se calza le brute e anca le bele. (29/9/)
El prezo no lo fà l'aventore.
Fogo de paja e troto de vecia dura poco.
Assa che la mojère la comanda in casa: solo cussì la te struca e la te basa.
Chi nasse mato no guarisse mai.
El naso gusta e la boca patisse.
L'ultimo che more de fame xe 'l munaro.
Dove che comanda le done e ara le vache, se vede robe mal fate.
Quando che piove col sole le strighe fà l'amore.
Beati i ultimi se i primi ga creanza.
Le bone parole onze, le cative ponze.
Novantanove maridà fà zento bechi.
L'aqua de San Gregorio fà ranpegare la végna.
Nadale col mandolato, i Morti co la fava, Pasqua co la fugazza.
Sant'Antonio Abate se no ghe xe el jazzo el lo fà, se'l ghe xe el lo desfa.
Tute le robe storte le fà drite la morte.
Dotori e preti no dà mai gnente a nissun.
Le parole del moleta no le vale on'eta.
A San Baldoin se fa el vin.
I doluri xe come i schei: chi che li ga se li tien.
Quando che'l zoba xe par via, la 'stimana xe finia.
A San Roco le ròndene fà fagoto.
Dicenbre se tole e no rende.
Baso no fa buso, ma xe scala par andar suso.
Quando che'l zoba xe par via, la 'stimana xe finia.
Le mosche le va drio ai cavai magri.
L'avaro xe come el porco, che no'l xe bon che dopo morto.
Chi no se contenta de l'onesto, perde el mànego e anca el zesto.
Rosso de matina, o piova o piovesina.
Debito sputanà, debito pagà.
Prete, dotore e comare, no te ne ingatejare.
Mati chi mete e mati chi no mete.
Santa Luzzia el fredo cruzzia. (13/12)
Se fà spira la man drita, schei da dare; se fà spira la man zanca, schei da tirare.
Quel che Lujo no vole, Setenbre no pole.
No se pole caminare sola neve senza assare peche.
