Co'l sorze scanpa, la gata va al paese.
A San Crispin se pesta el vin. (25/10)
Majo suto, gran dapartuto.
La tera e i canpi li laora i ignoranti.
Tore el ben quando el vien.
A San Martin se spina el bon vin.
Fevraro curto, erba da par tuto.
Primavera de Jenaro la ruina el persegaro Primo de Agosto, capo de inverno.
Sola boca dela zente se ghe riva fassilmente.
El bisogno insegna a far de tuto.
El vento forte inpiza el fogo o 'l lo stua.
Rìdare e vardare xe parente del cojonare.
I ovi xe boni anca dopo Pasqua.
Tuti i mati no ronpe i piati.
Chi magna carpion no xe on babion.
Pan che canta, vin che salta e formajo che pianza.
El leto xe na rosa: se no se dorme se riposa.
Se i dise male de to fiola, ciama la comare.
Merda e aqua santa fà la racolta tanta.
Ala prima aqua de Agosto, pitoco te conosso.
Chi che laora magna, chi che no laora magna e beve.
Quando la mojère se mete le braghesse, al marìo no ghe resta che le còtole.
Se piove de San Gorgon, sete brentane e on brentanon.
El vin de casa no inbriaga.
I bauchi casca senpre par tera.
Cusina che fuma, dona cativa e coverta rota manda l'omo in malora de troto.
Leto fato e fémena petenà, la casa xe destrigà.
Co' casca l'àlbaro tuti fà legna.
Ala de capon, culo de castron e tete de massara xe na roba rara.
Par San Lorenzo la nosa xe fata.
Chi che siòla ga pensieri.
Co l'Adolorata se va verso l'invernata.
El can de du paruni more de fame.
Chi che varda la luna gnente suna.
Aqua setenbrina, velen par la cantina.
