No se pole cantare e portare la crose.
Barca fondà no ga bisogno de benedission.
Co' bala l'ocio drito, cuor contrito; co' bala l'ocio zanco, cuore infranto.
Mèdeghi e guera spopola la tera.
A l'Ave Maria ogni òpara xe conpia.
Morto on papa se ne fà 'nantro.
Ale làgreme de on erede xe mato chi che ghe crede.
I du Santi del giazo: San Luigino e San Paolino i porta l'Inverno de Giugno.
Carne che cresse no sta mai ferma.
L'omo fà la dona e la dona fà l'omo.
A San Gioachin el primo freschin. (20/8)
A San Bovo se ronpe el primo ovo. (2/1)
La rason del poareto no la vale on peto.
San Valentin dal fredo fin, l'erba la mete el dentin. (14/2)
Coi birbi el galantomo fà senpre la figura del cojon.
Bruta de muso, larga de buso.
Chi tuto rancura de gnente ga bisogno.
Chi dise sposa dise spesa.
Magnà i gànbari se ciucia anca le zate.
Canpa, cavalo, che l'erba cresse.
Marsoni friti e polentina, on fià de vézena e vin de spina.
Novantanove maridà fà zento bechi.
Chi che varda in suso se inbalza.
Se piove a Sant'Urban ogni spiga perde on gran.
O basa sto cristo o salta sto fosso.
Se te ghe poco vin, véndite anca el tin.
Par tuti i Santi, manegoti e guanti.
Osèlo de s-ciapo no xe mai grasso.
Sole de vero e aria de fessura porta ala sepoltura.
Tira depì on pelo de mona che on paro de buò.
L'amigo del prete perde la relijon, l'amigo del dotore perde la salute, l'amigo del'avocato perde la causa perde la causa.
I fasoi xe la carne di' poariti.
Co' ghe n'è massa le cioche se beca.
El capon xe senpre de stajon.
Chi che ride de vènare pianze de domenega.
Chi fà scarpe porta zavate.
De Otobre, on bel oveto xe p' dolze de on confeto.
A canbiare munaro se canbia ladro.
Na mota e na busa fà on gualivo.
