A dire la verità ghe vole on cojon, a dire busie ghe vole on bricon.
I òmani ga i ani ch'i se sente, le done quei che le mostra.
A Marzo ogni mato va descalzo.
Sant'Antonio del paneto el vien col segheto. (13/6)
El leto xe el paradiso d'i poariti.
La tera e i canpi li laora i ignoranti.
Chi da galina nasse, da galina ruspa.
Prima de parlare bisogna fare come el galo, che prima de cantare el sbate tre volte le ale.
Chi pì xe, manco se vanta.
Santa Giuliana el fredo se rufiana. (16/2)
Parché la dona sia perfeta la ga da vére 4 'M': matrona in strada, modesta in cèsa, massara in casa, mata in leto.
Done e afani scurza i ani.
Chi sparte e no se ne tien, el Signore no ghe vole gnanca ben.
Na faliva basta a brusare na casa.
Bronza cuerta brusa la traversa.
O tardi o bonora, l'osto va in malora.
Mèjo 'vere du schei de mona che passare par massa svejo.
Quando le nuvole vien dal mare, ciapa i buò e va a arare; quando le nuvole vien dal monte ciapa i buò e va ala corte.
Dele volte na busia salva la verità.
El fogo serve de conpagnia.
Bon marcà sbrega la borsa.
No revoltare la merda, parché la spuza.
Roba robà, come la vien la va.
L'inverno l'è el boia di' veci, el purgatorio di' putei e l'inferno di' poariti.
Vale depì uno a fare che zento a comandare.
Amore fa amore, cativeria fa cativeria Amore, merda e zéndare le xe tre robe tèndare.
La menestra la xe la biava del'omo.
Novantanove maridà fà zento bechi.
San Benedeto ghe ne porta on sacheto. (21/3)
El pesse ga da noare tre volte: prima intel'aqua, dopo intel'ojo e la terza 'ntel vin.
A chi che no vole far fadighe, el teren ghe produse ortighe.
Xe pì le done che varda i òmani che le stele che varda la tera.
Vinti munari, vinti sartori e vinti osti fà sessanta ladri.
I curiusi se paga al sabo.
Bona bota bon vin, trista bota tristo vin.
A le prime aque de Agosto la tortora la va via.
Alba rossa, o vento i joza.
Magna, bivi e godi, ma no inpiantare ciodi.
El primo fiore xe quelo del vin.
Schei de zogo sta on ora par logo.
