La vita xe come na scala par le galine: curta e piena de merde.
Dura depì na pignata rota che una sana.
A Sant'Andrea se veste tuta la fameja.
Fin che na bela xe vardà, na bruta xe maridà.
A Santa Madalena piove apena.
Ocio celeste, ocio de dama; ocio moro, ocio da putana.
La testa del barbon xe el mejo bocon.
Co' riva el trenta de Agosto tute le zuche le va 'rosto.
Sete òmani no mena drento col caro quanto che na fémena la porta fora co la traversa.
San Colonban el riva co la neve in man. (21/11)
Fra i doturi, in medesina, xe pì bravo chi indovina.
Chi no se inzegna fa la tegna.
Co la caveza se liga i cavai, co la parola i òmani.
Quando che l'aqua toca el culo tuti inpara a noare.
La salata la vole el sale da on sapiente, l'aseo da on avaro, l'ojo da on prodigo, smissià da on mato e magnà da on afamà.
Tante nosèle, tanta neve.
Quando el merlo canta d'amore Febraro finisse.
La tosse xe 'l tanburo dela morte.
Da on musso no se pole spetarse che peade.
Marzo, par quanto tristo che'l sia, el buò al'erba e 'l cavalo al'onbrìa.
El butare via xe parente del piànzare.
De Pasqua no ghe xe galina che no faza.
San Paolo ciaro inpinisse el granaro. (25/1)
Testa de musso no se pela mai.
Cavalo vecio e servo cojon no inbroja el paron.
Lìssia e pan: dale done staghe lontan.
Se l'invidia fusse rogna, quanti che se gratarìa.
Signore, fà ca no sia beco; se ghe so', fà ca no lo sapia; se lo sò, fà ca no ghe bada.
Da tristi pagadori se tole ogni moneda.
El bon figo ga da vere camisa da pitoco, colo da picà e culo da pescadore.
Tripe de merda parché l'osto no ghe perda.
Se piove a Santa Desiderata, casca la ua e resta la grata. (14/6)
Co' casca l'àlbaro tuti fà legna.
Chi che varda i fati di' altri i sui ghe va da malo.
