Barbi e rane mai de Majo, parché i fa tristo passajo.
A Setenbre, braghe de tela e moloni no i xe pì boni.
L'union dela fameja sta int'el casson dela farina.
Se piove el dì de San Gorgonio, autuno demonio.
Picola al balo, grande a cavalo.
Mèdego vecio e chirurgo zòvane.
Chi che ga le scarpe rote el crede che tuti ghe le varda.
El primo fiore xe quelo del vin.
El bòvolo xe on pasto fin: bon par el vecio, bon par el putin.
Co' la carne xe frusta l'ànema deventa justa.
Pólvare de Jenaro la inpina el granaro.
Chi dà ai pòvari inpresta a Dio.
San Paolo San Paolon, tote su la scala e va a bruscare el vegnon.
Se a San Medardo piova, dopo quaranta dì rifà la prova. (8/6)
L'omo fà la dona e la dona fà l'omo.
Toso tanto studiso, toso poco amoroso.
No se spua sol piato che se magna.
Dove no ghe xe da guadagnare ghe xe da pèrdare.
Quando che la zuca se ingrossa el pecòlo se seca.
Quelo che no sòfega ingrassa.
Mèjo paron de on canpo che fituale de na canpagna.
El Sior de sora ne manda la tenpesta e quelo de soto el magna quel che resta.
Canpane a ore, calcun che more.
La lengua bate dove che'l dente duole.
A Sant'Andrea el fredo el monta in carega. (30/11)
L'inverno l'è el boia di' veci, el purgatorio di' putei e l'inferno di' poariti.
Ogni can mena la coa, ogni mona vol dire la soa.
Drio ai ani ghe va el judizio.
Luna in piè, marinaro sentà; luna sentà, marinaro in piè.
A San Modesto el fredo vien col zesto. (12/1)
Voja o no voja, Pasqua fà foja.
Bonora al marcà e ala fiera, tardi ala guera.
Chi che ga la rogna se la grata.
Co' i ga voltà el messale la messa pì no vale.
Le parole del moleta no le vale on'eta.
Zercio de luna, se no piove piovesina.
Cavalo in prìstio no xe mai straco e no ga mai fame.
Vàrdate dal culo del mulo, dal dente del can e da chi che tien la corona in man.
