La frégola la vien dal toco.
A San Nicòlo tira la neve sol colo. (6/12)
Mai fare male par spetarse ben.
A Sant'Erman le arte in man. (8/2)
Chi che laora ga na camisa, chi che no laora ghe ne ga do.
Bisogna menare el dente conforme che uno se sente.
De Febraro calche mato va senza tabaro.
A San Valentin el giazo no tien gnanca pì on gardelin. (14/2)
I morti verze i oci ai vivi.
Al ciaro de luse ogni stronzo traluse.
Chi che se marida vecio sona de corno.
On bon vèndare fà on bon guadagno.
Quando le done fa la lissia sola via, l'inverno sbrissa via.
El fero se piega, el legno se ronpe.
Corpo pien ànema consolà.
Co' capita on bon bocon, mona chi che no ghe ne aprofita.
A 'sto mondo bisogna adatarese, inrabiarse o desperarse.
Zuca santa che la canta e baruca che la sia muta.
Co' névega sola foja l'è on inverno che fa oja.
El rosso xe par l'avocato, la ciara par le spese e la sgussa par chi che vinze.
El male no domanda permesso.
Chi che xe vizin ala cusina magna minestra calda.
El nome di' zucuni xe scrito sui cantuni.
Sant'Antonio se ga inamorà de on porzeleto.
L'avaro xe come el porco, che no'l xe bon che dopo morto.
Miti le straze int'on canton che vegnarà la so stajon.
Tra verità e busìa se vende la marcanzia.
Ocio celeste, ocio de dama; ocio moro, ocio da putana.
Se l'invidia fusse rogna, quanti che se gratarìa.
Chi sòmena vento rancura tenpesta.
Quando che piove col sole le strighe fà l'amore.
El pan del paron el ga tre croste.
A San Donato el fredo l'è fato. (7/8)
A l'amo se ciapa el pesse, i òmani a l'intaresse.
Legno de sanbugaro no fa bronza e no fa ciaro.
Nebia bassa bel tenpo la lassa.
I parenti xe come le scarpe: pì striti i xe, pì male i fà.
