Marsoni friti e polentina, on fià de vézena e vin de spina.
A l'ostaria no vago, ma co ghe so' ghe stago.
Tuti i mistieri fà le spese.
A San Roco le nose le va in scroco. (16/8)
Par San Fredian la neve la va al monte e al pian.
L'aria de martina xe na bona medesina.
Marcante e porco stimalo dopo morto.
Rosso de sera bel tenpo se spera.
Formento butà, paron in piè.
Chi porta la roba da festa ogni dì, o'l xe novizo o no'l ghe n'a pì.
A somenare col vento se perde la somenza.
A far la carità no se va in miseria.
A 'la Madona del Rosario el pitaro de passajo. (6/10)
Co' la fame vien drento par la porta, l'amore va fora pa'l balcon.
Rìdare e vardare xe parente del cojonare.
Anca i cojuni magna el pan.
Nose e pan, magnare da can.
On lièvore fra du can, on contadin fra du avocati, on malà fra du doturi: chi sta pèzo de luri! On mato fà ridare quatro.
Tuto se justa, fora che l'osso del colo.
La morte del lovo xe la salute dele piègore.
Co' se xe in balo bisogna balare.
Co' xe soleselo ghe n'emo on brazelo.
La carità, farla anca al diavolo, la xe senpre ben fata.
Co' la man se parte, la boca se verze.
De San Tomìo le zornade torna indrio.
Tuto va e vien e gnente se mantien.
Maroni e vin novo, scoreze de fogo.
Quando che'l galo canta zo de ora, doman no xe pì el tenpo de 'sta ora.
Buta via la roba tri dì dopo che la spuza.
El magnare di poariti l'è in bisaca ai siuri.
Xe inutile cargare el s'ciopo senza balini.
Se piove a Santa Desiderata, casca la ua e resta la grata. (14/6)
Tre fémene? Una viva, una morta, una inpiturìa de drio la porta.
El sapiente sa poco, l'ignorante el sa massa, ma el mona sa tuto.
Tien on ocio al pesse e 'nantro al gato.
