Beato l'Istà co tuti i pulzi e i zìmesi che'l ga.
A dire la verità ghe vole on cojon, a dire busie ghe vole on bricon.
Chi dà via el fato soo prima che'l mora, el merita la morte co la mazola.
La roba in mostra xe quela che no se vende.
L'ortolan ga senpre tera in man.
Fare i mistieri che no se conosse i dìnari i deventa mosche.
Mèjo du vivi (fioi) che uno morto.
El fogo serve de conpagnia.
Chi sbaglia de testa paga de scarsela.
A quel che vien da sora no ghe xe riparo.
A San Bonaventura el medare l'è finio in pianura. (15/7)
La rosà de Majo guarisse le buganze de genajo.
Fin a Nadale magnemo verze e rave.
Le scarpe de on vilan no le farà mai na bela peca.
Drio ai ani ghe va el judizio.
Par Santa Taresa prepara la tesa.
Se piove de San Duane, fen e paja deventa loame.
L'amore no xe fato solo de amore.
Aprile, tuti i dì on barile.
Xe inutile fermare el treno col culo.
Quando che'l galo canta zo de ora, doman no xe pì el tenpo de 'sta ora.
Le done xe sante in cèsa, angeli in strada, diavoli in casa, zoéte sol balcon, gaze so la porta.
Se Majo fà fresco va ben la fava e anca el formento.
Se ciapa pì mosche co na jozza de miele che co na bota de aseo.
Chi desfa bosco e desfa pra se fà dano e no lo sa.
Chi che grata la rogna ai altri rinfresca la soa.
De Giugno miti la messora in pugno.
Chi che ga santoli ga buzolà.
Tre cosse ghe vol par farse siori: o robar, o trovar, o ereditar.
L'ovo del luni pagan l'è del diavolo.
Se piove a San Bàrnaba la ua bianca la va via; se piove da matina a sera, va via la bianca e anca la nera. (11/6)
Santa Barbara benedeta, tien distante el fulmine e la saeta. (4/12)
Xe mèjo polenta in casa soa che rosto in casa di' altri.
Volta i cai dopo na piova.
Quando canta le grole ghemo burasca par tri dì.
Al ciaro de na candela no se stima né dona né tela.
Co' nasse na femena, nasse na serva; co' nasse on omo, nasse on paron.
Formento butà, paron in piè.
