Carestia prevista meza carestia.
Par i Santi, neve sui canpi; par i Morti, neve sui orti.
Tre fémene? Una viva, una morta, una inpiturìa de drio la porta.
A San Luca le lòdole se speluca. (18/10)
Bronza cuerta brusa la traversa.
O basa sto cristo o salta sto fosso.
La frégola la vien dal toco.
Co' i zenoci se ama le caece no se pol vèdare.
A San Benedìo le ròndene torna indrio. (21/3)
A dire la verità ghe vole on cojon, a dire busie ghe vole on bricon.
Chi che bastona el so cavalo bastona la so scarsela.
Co l'arte e co l'ingano se vive mezo ano; co l'ingano e co l'arte se vive staltra parte.
O magna sta minestra o salta sta finestra.
Dio me varda dala rabia dei boni.
Veleta e capelo fà el viso belo.
De Febraro calche mato va senza tabaro.
No bisogna inpizzare el fogo fora dala pignata.
Nose e done no se sa quale che sia bone.
La neve decenbrina disisète volte la se capina.
Chi che massa se inchina mostra el culo.
Co' na man se da e co' staltra se riceve.
I ùltimi de Jenaro, sèntate sol fogolaro.
A San Clemente l'inverno mete el dente. (23/11)
A San Valentin el giazo no tien gnanca pì on gardelin. (14/2)
El diavolo va a cagare senpre sol monte pì grande.
Par San Corado vèrzi la porta al caldo.
Xe mejo avere sete busi in testa che sete piati de minestra.
Né co torenti, né co potenti no star strénzare i denti.
De Giugno miti la messora in pugno.
Se no piove a San Medardo piove a San Gervasio. (19/6)
In casa de ladri no se roba.
Chi ghe n'a in cuna no diga de nissuna.
Tra i pessi on bel ronbeto, tra i quadrupedi el porcheto.
Se Sant'Antonio fa el ponte, San Paolo lo ronpe.
Chi che ghe n'a ghe ne spende.
El vin amaro tièntelo caro.
La roba no xe de chi che la fà, ma de chi che la gode.
Co' canta el ciò xe finio de far filò.
Aqua de Agosto, miele e mosto.
