Marzo spolvarento, poca paja e tanto formento.
Co'l fromento tra a l'anguro, tàjelo che'l xe maduro.
Quando che tira vento, ghe xe fredo co ogni tenpo.
A Santa Toscana el riso el va in cana. (14/7)
Fra' Modesto no'l xe mai deventà priore.
Vardarse da quei che parla coi oci bassi e da quei che ride senpre.
Par San Lorenzo la nosa xe fata.
I du Santi del giazo: San Luigino e San Paolino i porta l'Inverno de Giugno.
Odio de preti, vendeta de frati e rogna de ebrei, miserere mei.
Oci mori, rubacuori; oci bisi, paradisi; oci celeste fà inamorare; oci bianchi fà cagare.
A Santa Catarina el jazo so la pissina.
Da San Matia oncora neve par la via.
Ale done, ai sassi e ai bissi, colpi ciari e fissi.
Ogni vin fà alegria se'l se beve in conpagnia.
Chi che ga na bela mojère no la xe tuta soa.
Presto in pescaria, tardi in becaria.
Chi vol magnare on bon bocon, magna l'oca col scoton.
No ghe xe avere che conta depì del savere.
Mèjo picoli e ben conpìi che grandi e insemenii.
A San Firmin, sòmena el contadin. (11/10)
Parere e èssare xe come filare e no tèssare.
Par gnente l'orbo no canta.
Risi bianchi, magnar da béchi.
La sega misura el brazzo.
O magna sta minestra o salta sta finestra.
Beato l'Istà co tuti i pulzi e i zìmesi che'l ga.
La luna nuova la cava el seco.
El bon vin fà bon sangue.
No se fà on capelo par na sola piova.
La morte xe senpre pronta, come le tole dei osti.
Chi che se marida de carnevale slonga le ganbe e scurza le bale.
Se no ghe fusse la cola e 'l stuco el marangon sarìa distruto.
Quando che tira vento, ghe xe fredo co ogni tenpo.
Co la caveza se liga i cavai, co la parola i òmani.
La menestra la xe la biava del'omo.
A tusi e mati no se comanda.
Mèdego vecio e chirurgo zòvane.
Tre fémene? Una viva, una morta, una inpiturìa de drio la porta.
A l'amo se ciapa el pesse, i òmani a l'intaresse.
