Tra i poariti se lega, tra i siuri se se frega.
Sa volì conossare na persona, vardè la dona al balo e l'omo al zogo.
La bona mojère fà el bon marìo.
Porco ingrassà no xe mai contento.
El fruto no'l casca mai lontan da l'àlbaro.
Tore el ben quando el vien.
Vòltate indrio e te ghe ne vedarè de pezo.
El pèrdare xe parente del piànzare.
El mèjo xe nemigo del ben.
Zena longa, vita curta; zena curta, vita longa.
Ale done, ai sassi e ai bissi, colpi ciari e fissi.
Tera negra fà bon fruto, tera bianca guasta tuto.
La strigheta mete le feste in sacheta.
On omo in man del'avocato xe come on sorze in boca al gato.
Chi se taja el naso se insànguena la boca.
Quando che'l fumo va in tera, burasca se spera.
A la botega, vaghe; a la canpagna, staghe.
De San Martin se veste el grande e anca el picenin.
Chi sta soto la napa del camin sa da fumo o da agrin.
Vàrdate dala volpe e dal tasso e da chi che varda in basso.
Co'l galo canta so la zena, se no xe belo se serena.
La legna de nogara fà desperare la massara.
Fin che dura i bezi, amighi no manca.
Sola vita de on omo che'l sia on omo ghe xe senpre almanco na ostaria.
L'omo: che'l sia san, cristian e che'l sapia guadagnarse el pan.
Le vache pissa, i manzi sbrissa e i bo' veci xe quei che tira.
On bel védare fà on bel crédare.
Mai assàre la strada vecia par quela nuova.
Chi che zerca cavalo e fémena senza difeto, no'l gavarà mai cavalo in stala e fémena in leto.
El bon vin, i schei e la bravura poco i dura.
L'ultimo che more de fame xe 'l munaro.
No spèndare tuto quelo che se ga, no dire tuto quelo che se sa.
La fémena xe come on falzin: batarla ogni tanto, guzarla senpre.
Co' manca el méjo i osei se beca.
Mèjo na dona bela senza camisa che na bruta co sete camise.
Col pan se fà balare i can.
El judizio salva l'osso del colo.
Pitosto che spàndarghene on jozo xe mejo bévarghene on pozo.
El laòro dela sega el slonga i brazi e 'l scurza la tega.
