El primo de Aprile, miti le zuche che le vien come on barile.
Sa volì conossare na persona, vardè la dona al balo e l'omo al zogo.
Ogni bela scarpa deventa na bruta zavata.
Canpo pestà no produse erba.
Vàrdate da l'omo che porta el recin e dala dona che sa de latin.
Uno roba la polpa e 'staltro ciapa la colpa.
Co' ruza el ton, da calche parte piove.
Dona bela e vin bon xe i primi che te assa in abandon.
Fiuri e fruti se pol tore da tuti.
Pitosto che'l palin, mejo el spazin.
Par Santa Cristina se sòmena la sajina.
On omo in man del'avocato xe come on sorze in boca al gato.
Majo ortolan, tanta paja e poco gran.
Le bestie se trata da bestie.
Del bon tenpo e dela bona zente no se se stufa mai.
No ghe xe on sabo santo al mondo che la luna no gabia fato el tondo.
Co' névega sola foja l'è on inverno che fa oja.
Na joza de miele conza on mare de fiele.
Quando ruza el fogo, zente, parente o lengua maldizente.
De San Luca pianta la rapa e cava la zuca.
Chi che massa se inchina mostra el culo.
La bona maniera la piase a tuti.
Chi no xe bon de rònpare el pan no xe bon de guadagnàrsene.
Quel che Lujo no vole, Setenbre no pole.
Boca sarà no ciapa moschini.
Chi che ghe piase el vin no'l lo buta in aseo.
Chi che laòra de festa laòra par el diavolo.
Sant'Agostin, daghe el primo pontin. (28/8)
I mèdeghi e le patate ga i fruti soto tera.
A San Belin el jazo sol caìn. (12/10)
Piova o sole, le strighe va in amore.
Mèjo piànzarli morti inocenti che vivi delinquenti.
A Santa Toscana i rondoni se slontana. (14/7)
A Santa Madalena se taja l'avena.
La pigrizia la va tanto pian che la miseria la ciapa.
Sola boca dela zente se ghe riva fassilmente.
Chi va in leto senza zena tuta la note se remena.
Pitosto che roba vanza, crepa panza.
